ROAD PROJECT NI MARCY SA FERNANDO AVENUE, PALPAK!

Nagngingitngit ang mga residente ng Fernando Avenue sa kapalpakang idinulot ng Road Project ni Cong. Marcy Teodorro. Oo nga’t sinimento ang mga kalsada, isinaayos ang mga drainage, kinungkreto ang sidewalk, pero, wag ka, hindi man lang nilagyan ng butas ang mga drainage na dapat sana’y daanan ng mga tubig kung umuulan.

Tuloy, hirap na hirap ang mga residente sa pagda-daspan ng tubig tuwing pumapatak ang ulan. Konting baha lang kasi eh pinapasok na ang bahay ng mga kawawang residente.

Ano ba yan? Tsk! Tsk! Tsk! Propyektong para sa masa, kunsomisyon ang idinulot! Congressman, ayusin mo naman ito! Gising! Magising ka sa katotohanan na palpak ang resulta ng proyektong minadali ng mga bata mo.

Hala! Hihintayin namin ang aksyon mo rito.

TUMIGIL NA BA KAYO?

Hindi maiwasang itanong ng ilan sa ating mga kababayan kung ano na ang nangyari sa grupong itinatag ni Kapitan Mario De Leon. Matagal kasing walang narinig na anuman sa naturang grupo. Ni hindi ito nagpapatawag ng pulong o caucus kaya’t iniisip ng marami na nadaig ang prinsipyo ng naturang pangkat.

Bilang miyembro ng naturang samahan, ni wala akong maisagot sa ilang mga tao na umuusisa sa akin. No comment na lang ako tuwing magtatanong sila.

Mahirap mang ipaliwanag, tila nawalan na kami ng pag-asa. Marahil, napagod na ang aming mga kasamahan sa paulit-ulit na pagtatanong sa Pamunuan ni Toto Chu. Paulit-ulit gayong wala namang nangyayari. Walang progreso ang aming mga queries. Pinag-mumukha kaming tanga.

Sabagay, hindi ko rin masisisi ang ilan. Darating talaga sa puntong magsasawa rin sila sa pag-uusisa.

Nakakalungkot man na tila naputol ang aming mga nasimulan, mabuti na rin siguro ang ganito. At least, tahimik na ang mga buhay namin. Wala ng nangha-harass at nananakot.

Hiling ko lang na muli sanang tumakbong Kapitan si Mario De Leon sa 2010. Maliwanag na kailangan ng isang tulad nya sa ating Baranggay.

TAÑONG HIGH SCHOOL CHORALE, HINARANA ANG BARANGGAY KALUMPANG

Muling ipinaaabot ng Tañong High School Chorale ang kanilang taos-pusong pasasalamat sa pagpapaunlak ng ilang mga personalidad sa Baranggay Kalumpang. Maluwag na pinatuloy sa kanilang mga tahanan upang handugan ng mga awiting pamasko. Sa gayong paraan, nakalikom ng pondo ang naturang grupo na gagamitin sa pagpapaunlad ng aming mga layunin.

Pinasasalamatan ng lubos ang mga sumusunod;

Vice-Mayor Marion Andres

Kap. Mario De Leon

Kgwd. Renato De Guzman

G. Ramon Santos

Dra. Gloria Sandoval

Dr. Rey Mendoza

Dra. Bella Villanueva

Gng. Alice Ferrer

G. Ric Cruz

at marami pang iba…

Sa ngalan ng lahat ng bumubuo ng aming samahan, Maligayang Pasko at Manigong Bagong Taon!

BLIND ITEM: BARANGAY OFFICIAL, NAG-AMOK!

Sino itong Barangay Official daw na nag-amok daw kamakailan sa kahabaan ng Gen. F Santos? Ayon sa aming source, sinipa raw ng naghuhurumentadong opisyal ang tolda sa isang lamay dahil nakaharang ito sa kalsada. Wala raw makapigil sa nagaamok na Barangay Official.

Ipinakita na naman ng mayabang na opisyal ang kanyang pagiging arogante. Feeling kasi ng mokong e kanya na ang Kalumpang simula ng mahalal ito noong nakaraang halalan.

Kilala nyo na marahil ang aroganteng Barangay Official na ito. Kilala siya sa pagiging lasinggero at pusakal na maangas.

“Ang opisyal ay igagalang sa kanyang gawa. At obligadong kumilos ang isang opisyal ng may pino at kaayusan ng sa gayon ay matamasa niya ang paggalang ng kanyang mga nasasakupan.”

SINO BA TALAGA ANG NAGSUSULAT DITO SA KALUMPANG EXPOSE?

Sabi nga sa isang tv commercial.. “hulaan nyo!”…

Pinutakte ng bulung-bulungan at intriga ang aming grupo ng mapag-usapan ng ilang makakating-dila kung sino ng ba ang nagsusulat sa KALUMPANG EXPOSE BLOG.

Ito’y matapos na ibulgar ng aming samahan ang malalang suliranin ng sugalan sa Fernando Avenue. Kanya-kanyang hula ang mga tao kung sino ang nagsumbong sa kanilang dibersyon. Pero, isang Barangay Tanod na itatago natin sa pangalang Butch Santos ang direktang itinuturo ang aming kasamahan na si Anastacio Cruz bilang nasa likod ng naturang pagsisiwalat.

Gaano kaya nakatitiyak si Mang Butch na ang bata ngang iyon ang naglantad ng sugalang hindi matigil-tigil sa Fernando Avenue. Dahil lang ba sa tagaroon ang bata kaya’t sa kanya ibinubunton ang sisi? May malakas kayang patunay ang magaling na Tanod sa kanyang akusasyon? May kredibilidad pa kaya siya sa paningin ng taong-bayan? At sino siya para magturo ng basta-basta ng walang batayan?

At sa mga mamamayan namang apektado ng pagpapatigil ng sugalan, bakit mahalaga sa inyong malaman kung sino ang nagsiwalat? At bakit kailangang sisihin kung sinoman iyon gayong inisip lamang nito ang kapakanan ng inyong lugar? Gusto ba nating lumaki ang ating mga anak na mulat sa mga iligal na gawain?

Alam ko at alam ninyong mali ang magsugal. Sa katunayan ay ipinagbabawal ito ng batas lalo na sa kalsada at lantarang lugar. Maisip naman sana natin na tama lang ang ginawang pagbubulgar dito ng sa gayon ay maitigil na ito. Hindi kaya imbes na sisihin natin kung sinoman ang nagsumbong, ay mas dapat na pasalamatan siya dahil nagmamalasakit ito sa mga parokyano ng sugalan?

At kay Mang Butch, hindi ka ba natutuwa na nakatulong kami sa trabahong kayo sana ang gumagawa? Bakit tila nagagalit pa kayo sa ginawa naming ito? Hindi kaya isa kayo sa mga protektor ng pasugalan dahil kahit taga-roon kayo, walang takot ang mga tao sa inyo na lantarang maglatag ng sugalan?

Gusto naming makita ang pagkilos ninyo. Aksyon at hindi satsat. Tigilan ninyong magturo ng kung sino-sino. Mabuti pa, atupagin ninyo ang pagpapatigil ng talamak na sugalan. Ng sa gayon ay magkaroon ng kabuluhan ang ibinabayad sa inyo ng mga mamamayan. Patunayan ninyong mali ang aming hinala na kinukunsinte ninyo ang mga pasugalan sa Kalumpang sa pamamagitan ng pagpapatigil sa mga ito.

Natutuwa naman ang aming grupo dahil maliwanag na binabasa pala ng sambayanan ang BLOG na aming pinaghihirapan. Lalong-lalo na si Mang Butch. Nais naming ipabatid sa kanya na lubos ang aming pasasalamat dahil kahit papaano’y binabasa niya pala ang aming mga artikulo.

Sa kabilang banda, hayaan ninyong ipaliwanag ko sa inyo kung ano at para saan ang BLOG na ito.

Una, ang BLOGGING ay kilala ngayon sa ating bansa at maging sa ibayong dagat na isa sa mga pinakamadaling paraan ng pagkakakitaan. Hindi birong magpanatili ng isang blog na gagamiting negosyo. Depende sa BLOG TRAFFIC o dami ng mga taong bumubisita sa BLOG ang kikitain dito. Dagdag pa ang mga advertisements o patalastas. Maraming uri ng BLOG.

Subalit, ang KALUMPANG EXPOSE BLOG ay hindi katulad ng aking binanggit. Hindi ito maaaring pagkakitaan sa dahilang mababa ang BLOG TRAFFIC nito. Ibig sabihin, iilan lang ang mga taong bumibisita rito dahil limitado lamang ito para sa mga taga-Kalumpang. Wala ring ni isang advertisement na matatagpuan dito.

Sa madaling salita, hindi nakikinabang ang sinoman sa usaping pinansiyal sa BLOG na ito.

Hindi rin naman biro ang magsulat. Mahabang oras ang ginugugol bago makapag-publish ng isang artikulo. Pinag-iisipan rin ito. Katulad ng prinsipyo ng maraming manunulat, patas at makatotohanang balita lamang ang aming inihahatid sa mga mamamayan. May basehan ang lahat ng aming mga isinusulat.

Pero, bakit ba kami nagtitiyagang magsulat rito gayong wala pala kaming pakinabang sa aming BLOG.

Itinatag ang KALUMPANG EXPOSE sa kagustuhan naming marinig ang hinaing ng maliliit na mamamayan. Sa paraan ding ito, madali maaaksyunan ng Barangay ang mga suliranin sa takot na mabasa ng karamihan. Ito lang din ang pinakamadaling paraan upang maipabatid namin sa lahat ang kasalukuyang nagaganap sa ating lokal na pamahalaan.

Hindi kailangan ng kapalit upang manindigan sa ating obligasyon bilang mga nagmamalasakit na mamamayan. Hindi man kami nakikinabang sa pinansiyal na aspeto, natutuwa naman kami sapagkat kahit papaano, alam naming nakakatulong kami.

Mga Kabarangay, maghinay-hinay po tayo. Huwag tayong magpadala sa dikta ng gobyerno. Wala kaming inisip kundi ang kapakanan ng karamihan.

Makonswelo naman sana kami sa inyong mga reaksyon. Hindi yung tila magagalit pa tayo dahil isinumbong ang sugalan sa ating lugar. Tanungin nga natin ang ating mga sarili, ano bang mahihita namin sa pasugalang yan? Pero sa kagustuhan naming malayo tayo sa mundo ng iligalidad, ginawa naming isiwalat ito.

Hindi pa panahon upang ipaalam namin kung sino-sino ang nagsusulat ng mga artikulo sa aming BLOG. Hindi sa natatakot kami, subalit para na rin sa aming kaligtasan. Batid naming nauunawaan ninyo kami.

Gusto lang naming malaman ninyong lahat, mga Barangay Officials, mga mamamayan, kay Mang Butch at sa iba pa, hindi na mahalaga kung sino man kami. Ang mahalaga ay kaya naming panindigan ang aming mga isinusulat na nakasalig sa katotohanan. Sa katotohanan at tanging sa katotohanan lamang.

TALAMAK NA SUGALAN SA KALUMPANG, KINUKUNSINTE?

Talamak na talamak ang sugalan sa Barangay Kalumpang partikular sa kahabaan ng Fernando Avenue. Namamayagpag ang malakasang kara krus, forty-one, tong-its, bingo, at iba pang uri ng sugal sa naturang lugar. Madalas na maglitawan ang mga parokyano ng mga sugal na ito tuwing Sabado at Linggo.

Madaling mapansin ang mga sugarol sapagkat umpuk-umpukan kung sila’y maglaro. Nakalulungkot lamang dahil pati mga musmos na bata ay natututong makisali sa hindi matigil-tigil na pasugalang ito.

At ano ang ginagawa ng Barangay sa ganitong usapin? Madalas naman sanang nagpa-patrol ang mobil ng Barangay sa lugar pero bakit hindi natitigil at nahuhuli ang mga nasa likod ng iligal na gawaing ito? Bakit hindi pairalin ng mga tanod ang kanilang kamay na bakal upang sugpuin ang ganitong uri ng aktibidad? Hindi kaya dapat na maglunsad ang Konseho ng isang panukala upang tuluyan ng pahintuin ang lahat ng uri ng sugal sa ating Barangay?

Inaasahan namin na kikilos si Kagawad Nardo Enriquez at Kapitan Enrico Chu hinggil sa isyung ito. Sila lamang ang may kapangyarihan upang tuluyan ng masakote ang mga talamak na sugarol sa ating lugar.

Hangad namin ng isang malinis at mapayapang pamayanan. Isang paraisong malayo sa mga masasamang elemento katulad ng aming isiniwalat. Nawa, ay mapanatili natin ang disiplina at kaayusan hindi lamang sa ating mga pagkatao kundi pati na rin sa ating Barangay.

PARA SA’YO…

Parang kailan lang, sa aking gunita

Sa iyo’y namumutawi, matatamis na salita

Transparency’t good governance, matatas mong wika

Ngunit nang maupo ka’y, bakit tila nawala?

 

Pagogi lamang ba ang ating ipinaglaban?

Matapos daigin ang mga kalaban

Sa isang mahigpit at madugong halalan

Mga pangako mo, ngayon ay nasaan?

 

Mahal kong Katoto, iyo sanang tandaan

Dapat mong isipi’y lugod ng karamihan

At hindi maging tuta na sunud-sunuran

Sa mga inuutos ng mahal mong Madam..

 

Bumaligtad ang mundo nang maibabaw ka

Maging mga kaibiga’y tila nalimot na

At hindi na kilala, mga dating kasama

Ang tawag mo sa ami’y, mga hamak na basura..

 

Nalulungkot kami sa naging larawan

Ng minamahal nating Barangay Kalumpang

Ang mga Tanod mo, naro’t nag-iinuman

Ang iyo namang SK, talamak sa katiwalian..

 

Di ba’t dati-rati’y isa tayo ng prinsipyo?

Na ating lalabanan, gahaman na pulitiko

Ngunit bakit ngayo’y nagwawalang-kibo

Nasan na ang ‘yong tapang, mahal kong Katoto?

 

Namumutla kang humarap sa madla

Iyong pinakita, asal mong kakatwa

Mga nakasaksi’y lubusang nabigla

At dagliang nanghinayang kanilang mga diwa..

 

Hangad lang naman nami’y malinis na pamumuno

Lahat ay maliwanag, walang ‘tinatago

Bukas sa maraming tanong ng publiko

Walang diskresyon ng mga pilato..

 

Ibig rin naming makita ang iyong pagkilos

Sa mga usaping, di matapos-tapos

Liban na lang kung bibig mo’y sukdulang nakagapos

O baka sinasadyang pasensya nami’y maubos..

 

Mahal kong Katoto, bilin ng sambayanan

Ang kapangyarihan mo’y panandalian lamang

Pagkatapos nito’y bakas ka ng kasaysayan

Paglilingkuran mo’y di namin malilimutan..

 

Bato-bato sa langit, tamaa’y wag magalit

Tao lang po at madalas makakita ng pangit

Kung hindi totoo’y di namin ipipilit

Pakiusap ko sa’yo’y, huwag ka ng magalit.

 

Hindi namin ninanais na ikaw ay palitan

Sa iyong pagiging mabuting lingkuran

Subalit pamumuno’y labis sanang pagbutihan

Nang mapanuring tao’y di ka mapintasan…

BF FOR 2010??

Ayoko na sanang patulan ang isuue na ‘to dahil hindi naman ito inclined sa Barangay Kalumpang. Pero hindi ko alam kung bakit biglang nangati ang kamay ko at tila pilit na hinihingi ang aking komento tungkol kay Bayani Fernando. Sabagay, masasabi rin namang concern ng Barangay Kalumpang ang bali-balitang pagtakbo ni BF sa pagka-Presidente sa 2010 Election.

Dyos ko po! Mataas talaga ang pangarap ni Chairman Fernando. Matapos angkinin ang Marikina at ang buong Maynila, at pamumudmuran ang mga lansangan ng samu’t-saring tarpouline, aba’y akalain ninyong nagnanais pang mag-Pangulo? Hindi ko malaman kung hibang na si BF o dala lang talaga ng masidhing hangarin sa posisyon.

At sinong tanga naman kaya ang boboto sa kanya? Mabuti pa sa Celebrity Duets, baka iboto ko pa siya, pero kung pagka-Presidente na ang pag-uusapan, teka lang! Malabo yata yan!

Kung alam lang ng Pilipinas na sawang-sawa na ang Marikina sa maruming pamamalakad ng mag-asawang Fernando sa aming lokal na pamahalaan. Tila baga binili na nila ang Lungsod at lumalabas na kanila na nga ito ngayon. Bistado naman ng sambayanan ang katarantaduhan ni BF sa MMDA. Binawasan raw ang kotong, pero lalo yatang nadagdagan? Inayos daw ang trapik, pero dumami yata ang aksidente dahil sa mga concrete barriers nya? Nilinis daw ang mga imburnal, bakit may baha? Tinanggal daw lahat ng mga iskwater, e anong tawag sa mga iskwater sa Tumana dito mismo sa Marikina?

Baka naman ang ginawa ni BF ay magpapogi ng magpapogi sa publiko. Puro mga sidewalk vendors ang trip nito. Mga maliliit na taong walang kalaban-laban. At matapos hulihin, ang mga paninda’y pinag-papasasaan, kasama pati puhunan!

Mag-isip tayo mga kababayan! Lalong-lalo na ang mga taga-Kalumpang. Hindi porke’t produkto natin ang hinayupak na Fernandong ito eh magpapabola na tayo sa istilo niyang bulok. Gahaman sa posisyon at ganid sa kapangyarihan. 

Mangarap ka BF. Libre lang yan. Kaya lang, dahan-dahan, baka malunod ka sa pangangarap mo!

Siya nga pala, manalo ka sana sa Celebrity Duets, may K ka sa pagkanta pero sa pagka-Pangulo…

WALA!

MGA TANOD, LASINGGERO!

Kahapon. ika-12 ng Oktubre, 2008, isang sumbong mula sa isang mapagkakatiwalaang source ang gumulantang sa akin bandang alas-siete ng gabi. Di umano, ilang mga unipormadong Barangay Tanod ng Kalumpang ang walang habas na umiinom sa eskinita ng Kapwa St. Ang masaklap pa, dala-dala raw ng mga tarantadong opisyal ang government vehicle ng ating Barangay. Sa umpisa raw ay palitan ang owner type jeep at ang trycycle ng Barangay sa tomaan.

Hindi na lang nagkaroon ng pagkakataon ang BUSINA para makunan ng video o litrato man lang ang mga lasinggerong tanod na ito. Huli na kasi ng aming malaman kung kaya’t biglang nakaalis ang mga iresponsableng tanod.

Mga tanod na dapat ay nagsisilbing bantay ng pamayanan sa mga masasamang loob, sila pa itong nasa impluwensiya ng alak. Hindi namin malaman kung bakit pinapayagan ang ganitong lantarang kabulastugan ng kanilang pinunong si Kgwd. Nardo Enriquez at ng Kapitan na si Toto Chu.

Nauna nang napabalita na nahuli rin umano sa akto na nagsusugal ang mga ungas na tanod na ito pero ni hindi raw binawalan ni Nardo Enriquez. Kung hindi ba naman bobo’t kalahati itong si Kagawad Nardo, hindi ba niya alam na ipinagbabawal sa mga opisyal ng gobyerno sa panahon ng kanilang duty ang magsugal at uminom? Tsk.. Tsk.. Tsk..

Talagang tila nabababoy na ang Barangay Kalumpang. Pano? Hindi ba’t gawain din naman ni Kapitan na maglasing? Hindi pa nga lang namin alam kung umiinom siya ng naka-duty. Pero ke naka-duty man o hindi, hindi ba’t napakapangit tingnan ng isang opisyal na umiinom? Opisyal na dapat sana’y pamamarisan ng taong-bayan, sila pang gumagawa ng kabalbalan.

Hindi dapat palagpasin ang ginawa ng mga Barangay Tanod kahapon. Dapat ay bigyan ng karampatang aksyon ang kanilang ginawang paglabag. Ipakita naman sana ni Toto Chu at ni Nardo Enriquez na may kakayahan silang disiplinahin ang mga lasinggerong tanod nila.

Sana lang, hindi na maulit ang ganitong kontrobersiya. Nanghihinayang ang mga mamamayan sa kalunos-lunos na sinasapit ng ating Barangay simula ng mapasakamay ng ilang iresponsableng pulitiko. Dumumi. Bumaho. Pumangit. Pangyayaring hindi kailanman naganap sa nakaraang Administrasyon.

Nakakapagsisi ang magpakaTOTOo.

IRESPONSABLE TALAGA! MANANG-MANA!

Tahasang ipinapakita ng Pamunuan ng Sangguniang Kabataan ang lantarang kairesponsablihan nito. Hindi tuloy maalis sa isip namin na hindi nila kayang manehuhin ang SK. O hindi kaya, sinasadya lamang nila ang mga kabugukang ito para mapundi ang pasensya namin sa mga katarantaduhan nila sa Barangay.

Kamakailan ay pinadalhan namin ng isang liham si SK Chairman Kaye Noll Andres. Masusi kong pinag-aralan ang laman ng aking liham. Pinili ang mga salita, at nilinaw ang tunay na diwa nito. Aba! Hindi kasi basta-bastang mga tao ang makakabasa niyon. Mga kagalang-galang na SK Officials ang aking sinusulatan kaya’t kailangang maayos ito mula papel hanggang sa nilalaman. Maging ang aking lagda eh pinakaganda-ganda ko.

Subalit, sa kasamaang-palad, natagalan ng pagsagot ang mga minamahal kong SK Officials. Umabot ng dalawampu’t-tatlong (23) araw ang kanilang pag-iisip. Mukhang pinaghandaan talaga nila ang magiging sagot sa aking naunang liham. Pero wag ka! Inang ko po! Nang matanggap ko ang sagot nila, aba’y akalain niyong lasing pa ang nagdala nito sa aming tahanan! Mukhang hinatak sa tomaan ng SK upang dalhin ang sulat nilang nakakatuwa talaga.

Nagulat na lang ako nang aking makita ang sulat nila. Una, walang letterhead. Ibig sabihin, hindi ito maituturing na opisyal na sulat galing sa SK kundi, isang simpleng liham lang mula kay SK Chairman Andres. Pangalawa, xerox copy ang ibinigay sa aking sagot. Pangatlo, gula-gulanit ang papel at tila pamunas na ng inidoro!

Magtataka pa ba naman kayo kung sabihin kong walang kakwenta-kwenta ang laman ng sulat nila? Matapos akong magpadala ng isang pormal at kaaya-ayang liham, isang utos lamang ang isinagot sa akin ng mga bugok na SK na yan! Sinabi nilang pumunta na lang daw ako sa Barangay para sa aking mga tanong at request. Kung hindi ba naman mga luku-luko at makikitid ang utak ng SK na ito, maliwanag na ipinapakita nila kung gaano sila katanga at kairesponsable. Nakakagigil lang kasi dahil tila unti-unting inuubos ang aming pasensya.

Aba! Hindi biro ang gumawa ng sulat. Idagdag pa ang abala sa pagpaparecieve nito sa Barangay. Tapos, papadalhan lang ako ng isang walang kakwenta-kwentang reply? Bwiset!

Pero may katapusan rin ang kagaguhan nilang yan. Hindi nila kami sineseryoso, tingnan natin kung hindi rin nila seryosohin ang Ombudsman. Malapit na. Hintayin lang nila. Dapat ng turuan ng leksyon ang mga tarantadong SK na ito. Lalo na yang si SK Chairman Kaye Noll Andres. Manang-mana talaga sa pinag-manahan.

Natatawa lang kami sa ipinakikita niyong asal. Asal-kabayo! Hindi asal-tao! Hay.. bahala na si Lord sa inyo. May karma rin yan.